Årsmelding 2002

Troms og Finnmark mållag

Styret og andre tillitsvalde i perioden 16.02.02 til 08.02.03

Styret

Bjørnar Østgård, Tromsø, leiar og kassastyrar, på val

Trond Trosterud, Tromsø, nestleiar, ikkje på val

Sigrun Høgetveit Berg, Tromsø, skrivar, på val

Borghild Rydland, Målselv, styremedlem, ikkje på val

Aud Hauan, Tromsø, styremedlem, ikkje på val

Varafolk:

Ingrid Russøy, Balsfjord, på val

Hildur Heim Nergård, Harstad og omland, på val

Marit Julien, Tromsø, på val

Ettersynsmann:

Erling Løkse, på val

Valnemnd:

Aud-Kirsti Pedersen, leiar, på val

Herolv Olsen, på val

Ola Melby, på val

Bjørnar Østgård var landsmøteutsending til landsmøtet i Noregs Mållag i Oslo

26.-28. april.

Sigrun Høgetveit Berg er fast styremedlem i Noregs Mållag, og frå oktober har ho vore AU-medlem og konstituert nestleiar.

Medlemstal

Samla medlemstal for laga i Troms og Finnmark mållag var i 2002 194 , mot for 191 i 2001 og 188 i 2000.

Møteverksemd

Styret har hatt 6 møte (5 vanlege, 1 AU-møte) og handsama 25 saker i arbeidsbolken. I tillegg har det vore eitt lagsmøte for lokallaga, 19.10.02, i samband med planlegginga av opplegget for reiseskrivaren frå Noregs Mållag. Dei viktigaste arbeidsområda har vore Elias Blix-jubileet og organisasjonssatsinga.

Elias Blix-jubileet

I samband med at det var hundre år sidan Elias Blix døydde, tok Troms og Finnmark mållag initiativ til ei markering av jubileet i alle kyrkjesokna i bispedømet. I Tromsø vart det helga 16. og 17. november skipa til Blix-seminar – eit samarbeid mellom fylkesmållaget, Tromsø mållag og Nord-Hålogaland bispedøme. Laurdagen var det seminar med innleiing av Bjørn Kvalsvik Nicolaysen og Aud-Kirsti Pedersen, og sundagen var det festgudsteneste i Elverhøy-kyrkja – med nynorsk liturgi og Blix-salmar. Tilskipinga var svært vellukka, og både bispen og soknepresten uttrykte ynske om at det måtte bli jamlege nynorskmesser i Elverhøy. Tromsø mållag fekk ansvar for å ta dette initiativet vidare.

Organisasjonssatsinga

På initiativ frå fylkesmållaget kom reiseskrivar Trond Sæbø Skarpeteig i oktober nordover for å vera med og planleggje organisasjonssatsinga i fylkeslaget. I tillegg til møte med lokallaga var Trond med til norskseksjonen ved lærarutdanninga på Høgskulen i Tromsø og til klassevitjing på den vidaregåande skulen på Kongsbakken. I etterkant la fylkesmållaget plan for vitjinga til Trond i februar 2003. I veka 3.-7. februar har reiseskrivaren vore i Balsfjord, Målselv, Harstad og i Tromsø. Til denne vitjinga har fylkesmållaget saman med Noregs Mållag sentralt fått laga lokale flygeblad for bruk i Troms og Finnmark.

I samband med organisasjonssatsinga sette fylkesmållaget opp vervemål – både for medlemsverving til mållaget og til Blåmann barnebokklubb – for lokallaga. Tala var som fylgjer:

Lag Nye mållagsmedlemer Nye bokklubbsmedlemer

Balsfjord 3 6

Harstad 4 8

Målselv 10 20

Tromsø 15 30

Varanger 5 10

Ymse arbeid

I tillegg har fylkesmållaget sendt ut pressemelding til støtte for eige teaterbygg til Hålogaland Teater, me har drøfta framlegget til ny nynorsknormering, evaluert landsrådet i Noregs Mållag og har arbeidd med nynorskbruken på Universitetet i Tromsø. Kontakten med lokallaga har me halde med telefon- og e-postbruk, og to lagsskriv på hausten.

Vurdering av arbeidet

Styret i Troms og Finnmark mållag meiner me har gjennomført arbeidsplanen som var sett opp til førre årsmøte høveleg godt. Me har laga ein strategi for organisasjonssatsinga, me har hatt vitjing av reiseskrivaren, me har skipa Blix-seminar og me har freista vore synlege i avisene.

Tromsø, 7. februar 2003

For styret i Troms og Finnmark mållag

Sigrun Høgetveit Berg

skrivar