Referat frå årsmøte i Troms og Finnmark mållag,

laurdag 8. februar 2003, kl. 12-16.

Til stades: Bjørnar Østgård (leiar), Aud Hauan (styremedlem), Sigrun Høgetveit Berg (skrivar), Vigdis Tverberg (Tromsø), Ola Melby (Tromsø), Borghild Gramstad (Tromsø), Herolv Olsen (Tromsø), Torny Nikolaisen (Harstad), Sigurd Stenersen (Harstad), Herolv Olsen.

Sak 1 - Val av ordstyrar og møteskrivar

Bjørnar vart vald til ordstyrar og Sigrun til møteskrivar.

Sak 2 - Godkjenning av innkalling og sakliste

Innkallinga og saklista vart godkjende utan merknader.

Sak 3 - Rapport frå reiseskrivarvitjinga i februar

Sigrun las opp (den førebelse) rapporten til Trond Sæbø Skarpeteig. Den var fyldig og god.

Frå kommentarane:

* Eit slikt besøk er ein kveik, men det har ingen effekt om det ikkje blir fylgd opp. Og det er eit dilemma når økonomien set klåre sperrer. Men laga må fylgje opp!

* Elevane må gjerast merksame på at dei må signalisere språkvalet sitt i overgangen frå ungdomsskule til vidaregåande..

*Det bør vera mogeleg med parallellklassar òg i Tromsø! Men det er viktig å tå tak i foreldrekontaktar – som må organiserast før innskrivinga.

*Det er ein veg fram - og det er heimesider. Der kan me leggje ut info, der kan me koordinere!

* I ungdomsskulen gruppeidentiteten er sterkast - der me må byggje opp og fylgje opp, slik at dei tør å stå for valet sitt av nynorsk også vidare.

* God og inspirerande rapport – me han sender ut saman med årsmøtereferatet.

Sak 4 - Årsmelding

Bjørnar las årsmeldinga. Merknader og tillegg:

- 4. februar seier NM at me har 219 betalande medlemer (auke i alle aktive laga), satsinga har resultat! I tillegg er det jo ein del medlemer som ikkje har betalt. Det er altså eit stort potensiale.

Sigurd: Me fær hjelp og svar når me spør, men fylkesmållaget er ganske usynleg. Dei mest aktive i Harstad er pensjonistar, og dei hadde trengt meir sterk støtte. Flygeblad er bra!

Herolv: Årsmeldinga er kort og konsis, men det kan godt takast med at Bjørnar og Tromsø mållag sitt gode arbeid for veg-namn endeleg har ført fram i Tromsø.

Borghild: Ein skulle gjerne vore meir synleg, og det er truleg større potensiale for målarbeid i Tromsø.

Vigdis: Takke for støtta og arbeidet, både med Blix-jubileet og reiseskrivaren.

Årsmøtet tok årsmeldinga til vitande, med desse merknadene.

Sak 5 - Rekneskap

Bjørnar delte ut og gjekk gjennom rekneskapen. Laget har no (1.1.03) 34.167, 93 kroner til disposisjon, mot for 38.509,09 på same tid i fjor. Årsaka til at medlemspengerefusjonen er så liten i år, er at mållaget sentralt har gått over til ei ny ordning. Neste år blir det meir att. Den største utgiftsposten er 3.000 - som me betalar til mållaget sentralt, årleg i tre år, for organisasjonssatsinga. I tillegg slapp me billeg unna landsmøtet, sidan Bjørnar var med i valnemnda og såleis fekk halvparten av reisa betalt.

Sigurd spurde om laget hadde søkt fylket om pengar, og Bjørnar seier me ikkje har gjort det, sidan me ikkje fekk dei to føregåande åra. Men me skal prøve igjen.

Rekneskapen vart godkjend utan andre merknader.

Sak 6 - Melding om nedlegging av Bardu mållag

Bardu mållag er berre ein medlem - og har vore det lenge - Eivind Steien. Han vil leggje ned laget. Lovene for Noregs Mållag seier at laget sine midlar skal overførast til fylkesmållaget og stå som eigen post der i 5 år - i tilfelle det kjem liv i laget att. Etter det kan fylkesmållaget nytte desse midlane fritt.

Bardu mållag har saman med Målselv mållag gjeve ut julehefte. Dette arbeidet blir kanskje ikkje vidareført, sidan det ikkje kjem nye krefter inn i redaksjonsnemnda. Det finst pengar til dette arbeidet, så viss bladet blir lagt ned, må Bardu mållag og Målselv mållag finne ein måte å dele desse midlane på.

Vedtak:

1. Troms og Finnmark mållag tek til vitande at Bardu mållag er lagt ned. Midlane til Bardu mållag blir overførde til fylkesmållaget, og pengane skal stå på fylkesmållaget sin konto i fem år øyremerkt eventuelt nytt arbeid i Bardu mållag.

2. Viss juleheftet til Bardu og Målselvblir lagt ned, skal Bardu mållag sin del av dei ubrukte midlane overførast til fylkesmållaget, i samsvar med gjeldande regelverk for Noregs Mållag.

Sak 7 - Arbeidsplan og budsjett

Arbeidsplan

Bjørnar gjekk gjennom arbeidsplanen og det kom ulike innspel:

Punkt I, 2

Det bør lagast ei liste, ein bank, med ressurspersonar som kan nyttast.

Punkt II

Viktig at reiseskrivaren kjem ofte, slik at me kan etablere miljø på skulane for nynorskarbeid. Det må òg takast kontakt med skulane på førehand.

Punkt III

Nytt punkt 9: Heimesidene skal oppdaterast, og styret må vurdere kva slags nivå ein har ressursar til å leggje seg på når det gjeld den vidare bruken og oppdateringa av desse sidene.

Nytt punkt 10: Fylkesmållaget skal arbeide for å oppnemne ein skulesmålsansvarleg. Vedkomande skal i fyrste omgang kartleggje stoda til nynorskklassane i fylka, for på den måten også knyte til seg foreldre som er interesserte i målarbeid. I tråd med tilrådingane frå reiseskrivaren skal fylkesmållaget vurdere ei skulemålssatsing.

Arbeidsplanen vart vedteken med desse endringane.

Budsjett

Møtelyden tykkjer det er greitt å underskotsbudsjettere når det er aktivt målarbeid styret vil bruke pengane til. Men om me har brukt alle dei budsjetterte pengane neste år, må me vurdere om me framleis kan satse slik - og om me har brukt pengane fornuftig.

Styret bør vera meir aktiv med å søkje stønad til fylket og andre institusjonar, både i Troms og Finnmark.

Budsjettet vart vedteke med desse merknadene.

Sak 8 - Val

Styre

Bjørnar Østgård (Tromsø), leiar, attval for eitt år

Trond Trosterud (Tromsø), nestleiar, ikkje på val

Aud Hauan (Tromsø), ikkje på val, ny som kasserar

Borghild Rydland (Målselv), ikkje på val

Borghild Gramstad (Tromsø), ny for to år, skrivar, (med atterhald om at ho bli verande i Tromsø etter sommaren)

Varafolk

1. Ingrid Russøy (Balsfjord), attval for eitt år

2. Hildur Heim Nergård (Harstad og omland), attval for eitt år

3. Guro Reisæter (Tromsø), ny for eitt år

Valnemnd

Reidun Mellem, ny for eitt år, leiar

Ola Melby, attval for eitt år

Herolv Olsen, attval for eitt år

Ettersynsmann

Erling Løkse, attval

Landsmøteutsending

Bjørnar Østgård

Vara:

1. Trond Trosterud

2. Borghild Rydland

3. Borghild Gramstad

4. Aud Hauan

5. Guro Reisæter

Sak 9 - Kulturpolitisk program for Noregs Mållag.

Sigrun orienterte om arbeidet med kulturpolitisk program - som nestleiar og ansvarleg for programmet i styret. Programmet skal vedtakast på landsmøtet i Grimstad til våren. Det vart eit inspirerande ordskifte etterpå – godt hjelpt av den framifrå kaka som Aud hadde baka!

Tromsø, 9. februar 2003

Sigrun Høgetveit Berg

skrivar